ملتان (نمائندہ جنگ) قائداعظم ٹرافی گریڈ ٹو میں ملتان کی پوزیشن بہتر ہوگئی۔ آزاد کشمیر کی ٹیم 158 پر آؤٹ ہوگئی۔ ملتان ریجن نے بغیر کسی نقصان پر 53 رنزبنالئے۔ ملتان کو پہلی اننگز کی برتری ختم کرنےکے لئے مزید 105 رنز درکار ہیں اور اس کی 10 وکٹیں باقی ہیں۔ ملتان کرکٹ اسٹیڈیم میں کھیلے گئے تین روزہ میچ کے پہلے روز آزاد کشمیر ریجن نے تمام وکٹوں پر 158 رنزبنائے۔ دانیال 43، عبدالشکور 29 ،اظہر مغل 26 رنز بنائے۔علی عثمان نے 4، صدیف مہدی 3 اور ضیاءالحق نے 2 وکٹیں حاصل کیں۔ ملتان ریجن نے پہلی اننگز کا آغاز کیا تو پہلے روز کے اختتام تک 16 اوورز میں بغیر کسی نقصان کے 53 رنزبنالئے۔ زین عباس 28 اور وقار حسین 25 رنز کیساتھ وکٹ پر موجود ہیں۔ آج دوسرے روز کا میچ کھیلا جائیگا۔
فرمان الہی
نماز کے اوقات
