گوادر (نامہ نگار) وزیرا عظم پا کستان 15مارچ کو گوادر کا دورہ کرینگے جس کیلئے تیاریاں جاری ہیں۔اس حوالے سے گزشتہ روز ضلعی انتظامیہ نے گوادر کے تمام سیاسی پارٹیوں کا اجلاس بھی بلا یا تھا جس میں خطاب کرتے ہوئے وفاقی وزیر برائے سیفران ریٹائرڈ جنرل عبدالقادر بلوچ کا کہنا تھاکہ وزیراعظم کا دورہ گوادر اہمیت کاحامل ہے وزیراعظم غیرمعمولی عوامی منصوبوں کا اعلان کرینگے جس میں گوادر شہر کی خوبصورتی، عصر حاضر کے تقاضوں کے مطابق تعلیم، صحت، پانی اور بجلی سمیت دیگربنیادی سہولتوں کی فراہمی شامل ہونگے۔اجلاس میں شریک عوامی نمائندوں اور سیاسی پارٹیوں کے نمائندوں نے وفاقی وزیر کو تجا ویز دیتے ہوئے کہاکہ گوادر میں حکومت اراضی حاصل کر نے کے طریقہ کار پر نظر ثانی کرے اگر حکومت کو کسی بھی ضرورت کو پورا کر نے کے لئے اراضی درکا ہے تو لیز اور شراکت داری کی پا لیسی اختیار کی جائے تاکہ لوگوں کی حق ملکیت محفوظ رہے۔وزیراعظم گوادر میں عوامی اجتماع سے بھی خطاب کرینگے۔ اجلاس میں اعلی عسکری اور سول حکام بھی شر یک تھے۔
فرمان الہی
نماز کے اوقات
