ملتان (سٹاف رپورٹر )سی آئی اے پولیس نے کراچی میں کارروئی کرتے ہوئے بیرون ملک سے آنے والے مسافروں کو لوٹنے والے گروہ کے 2ملزمان کو گرفتار کرلیاہے ، تفصیل کے مطابق ملتان شہر میں گزشتہ چند ماہ بیرون ملک سے آنےوالے افراد کو نوسر بازی سے لوٹنے کے واقعات میں تشویش ناک حد تک اضافہ دیکھنے میں آرہاتھا ، جس پر سی آئی اے پولیس ملتان ملزما ن کیخلاف کارروائی کےلئے ان کی مسلسل ریکی کررہی تھی اور ملزمان کے موبائل نمبرز ٹریس ہوجانے پر پولیس نے ملزمان کا سراغ لگایا ، اس حوالے سے ذرائع کی جانب سے یہ بھی بتایا گیاہے سی آئی اے پولیس کو مصدقہ اطلاعات ملی تھی کہ ملزمان کراچی میں روپوش ہیں ،جس پر سی آئی اے پولیس نے ایکشن لیتے ہوئے 2ملزمان کو گرفتارکرکے نامعلوم مقام پر منتقل کرکے تحقیقات شروع کردی ، اس حوالے سے بتایا گیاہے کہ پولیس نے تاحال ملزمان کے نام نہیں کیا تاکہ گروہ کے دیگر ارکان کو پکڑا جاسکے۔
فرمان الہی
نماز کے اوقات
