کراچی (اسٹاف رپورٹر) پاکستانی ہاکی ٹیم نے نیوزی لینڈ کے خلاف اس کے ہوم گرائونڈ پر پانچ میچوں کی سیریز جیت لی، جمعرات کو ویلنگٹن میں کھیلا گیا پانچواں اور آ خری ٹیسٹ ایک گول سے برابر رہا، پاکستان ہاکی فیڈریشن کے سیکرٹری شہباز سینئر کا نے کہا ہے کہ نیوزی لینڈ کے خلاف ہاکی سیریز کی کامیابی یوم پاکستان پر قوم کو تحفہ ہے۔ میچ 1-1 گول برابری پر ختم ہوا، میچ ڈرا ہونے کی وجہ پاکستان نے سیریز 2-1 سے اپنے نام کر لی، پاکستان کی جانب سے محمد عرفان جونیئر نے گول کیا۔ دریں اثنا پاکستانی ہاکی ٹیم کے کپتان حسیم خان نے کہا ہے کہ نیوزی لینڈ کے خلاف سیریز میں کامیابی خوش آئند ہے، کھلاڑیوں نے ہر میچ میں گیم پلان کے مطابق کار کردگی دکھائی۔ ویلنگٹن سے جنگ سے بات چیت کرتے ہوئے انہوں نے کہا کہ ہماری مسنگ کی شرح میں بھی کمی دیکھنے میں آئی، پنالٹی کارنر میں ہمارے کھلاڑیوں نے بہتر پرفارمنس کا مظاہرہ کیا ۔
فرمان الہی
نماز کے اوقات
