گوجرانوالہ(نمائندہ جنگ) نیشنل ہائی ویز اینڈ موٹروے پولیس سیکٹر نارتھ تھری گوجرانوالہ میں یوم پاکستان کے حوالےسے تقریبات کا انعقاد کیا گیا ۔ لائن ہیڈ کوارٹرز میں روڈ سیفٹی کانفرنس منعقد کی گئی جس میں موٹر وے پولیس کے افسران ڈی ایس پی بابر محمود، فوکل پرسن انسپکٹر وصی حیدر، انسپکٹر اقبال بٹ، انسپکٹر محمد علی شیرازی انسپکٹر سجاد اکبر ، انسپکٹر آصف نصیر، انسپکٹر خادم حسین ، سب انسپکٹر صداقت علی، سب انسپکٹر علی عبداﷲ، سب انسپکٹر عابد مجید طور اور ملازمان کی کثیر تعداد نے شرکت کی۔کانفرنس میں یوم پاکستان کی اہمیت کو اجاگر کیا گیااور روڈ سیفٹی کی بابت حاضرین کو بتایا گیا کہ دور حاضر میں ایکسیڈنٹ کی بنیادی وجہ عوام الناس کی ٹریفک قوانین سے لاعلمی ہے۔ شرکاء کو بتایا کہ روڈ سیفٹی سے آگاہی دور حاضر کی ضرورت بن چکی ہے۔ اس موقع پر شرکاء میں گفٹ ہیمپرز تقسیم کیے گئے اور ریفر یشمنٹ کا انتظام بھی کیا گیا ۔ علاوہ ازیں روڈ سیفٹی سے آگاہی کی با بت سیکٹر ھذا میں ہیلپ سنٹر کالاشاہ کاکو، ٹال پلازہ کامونکی اور ٹال پلازہ وزیر آباد پر روڈ سیفٹی سٹال بھی لگائے گئے۔
فرمان الہی
نماز کے اوقات
