ملتان (سٹاف رپورٹر) سابق وفاقی وزیرمذہبی امورسیدحامدسعید کاظمی کاملتان پہنچنےپرپیپلزپارٹی، جماعت اہل سنت اورتنظیم السعیدکی جانب سےوالہانہ استقبال کیاگیااوربکروں کاصدقہ دیاگیا۔ قبل ازیں قادرپورراواں بائی پاس پرہزاروں عقیدت مندوں نےانکا خیرمقدم کیا،پھول نچھاورکئےاورنعرےلگائے۔اس موقع پرعقیدت منداورکارکنان ڈھول کی تھاپ پربھنگڑے بھی ڈالتے رہے۔استقبالی قافلے کی قیادت علامہ سیدسجادسعیدکاظمی کےصاحبزادےسیدجاویدسعیدکاظمی اورجماعت اہل سنت پنجاب کےناظم اعلیٰ علامہ محمد فاروق خان سعیدی نےکی۔ بعد ازاں انہیں بڑے جلوس کی صورت میں چوک کمہاراں والالایاگیاجہاں پی پی رہنمائوںسیداحمدمجتبیٰ گیلانی،سیدعلی موسیٰ گیلانی، خواجہ رضوان عالم، ملک نسیم لابر ، رضوان ہانس،بابونفیس انصاری، سلیم الرحمن میو،نذیرکاٹھیااوردیگرنےبکروں کی قربانی دیکرانکااستقبال کیا۔ بعد ازاں سیدحامدسعیدکاظمی نے جلوس کےہمراہ اپنے والدعلامہ سیداحمدسعیدکاظمی کی درگاہ پرحاضری دی اور شاہی عید گاہ میں نمازعصرکی ادائیگی کی۔ شاہی عید گاہ میں انکے بڑے بھائی و امیرجماعت اہل سنت پاکستان علامہ سیدمظہرسعیدکاظمی اور خاندان کےدیگرافرادنےانکااستقبال کیا۔حامد سعید کاظمی کو اسلام آبادسےپولیس سکیورٹی میں ملتان لایاگیا،جلوس کے موقع پربھی ملتان پولیس کی بھاری نفری بھی ہمراہ تھی۔دریں اثناء میڈیا اورکارکنوں سےبات چیت کرتےہوئےحامدسعیدکاظمی نے کہاکہ میں نےاپنافیصلہ خداپرچھوڑدیاہے، سپریم کورٹ کےفیصلےسے حق اورانصاف کی فتح ہوئی،الزام لگانیوالے اب مجھےمبارکبادیں دےرہے ہیں،تمام الزامات جھوٹے ثابت ہوئے۔ انہوں نےکہاکہ ہم محب وطن لوگ ہیں لوگ اپنی شرافت کی سندلینے ہمارےخاندان کے پاس آتےہیں ،منیٰ میں حج انتظامات میں کوتاہی کاذمہ دارمیں نہیں سعودی کنٹریکٹرتھاجس پرسعودی حکومت نےہرجانے کے طورپر45کروڑکاچیک بھی دیا، حج کرپشن کیس میں میری بریت حکومت کی ناکامی نہیں۔ انہوں نے کہا کہ عوام کی عدالت سےتومیں پہلے ہی سرخروتھا7سال گزر گئے مگرکسی کی نظر میں کسی کیلئے تضحیک نہیں دیکھی،اللہ نےہمیں سرخروکیااورمخالفین کامنہ کالاہوا۔ غلط الزام پراعظم سواتی کے خلاف ہتک عزت کادعویٰ دائرکیا ہے۔انہوں نےکہاکہ مزارات پردھماکے کرنیوالے اسلام کےدشمن ہیں،جہادکےنام پرچندہ اکٹھاکرنیوالوںکےخلاف کارروائی کی جائے۔ انہوں نے کہا کہ 2018ء کے انتخابات میں حلقے کا فیصلہ دوستوں کے مشورے سے کرینگے،پیپلز پارٹی سے وابستہ ہیں، روزروزپارٹیاں تبدیل نہیں کرتے۔ راستے میں اڈابارہ میل پراستقبال کے بعدمقامی اخبارنویسوں سے گفتگو کرتے ہوئے انکاکہناتھاکہ کرپشن کےالزامات سے بری ہوناہماری اخلاقی فتح جبکہ دشمنوں اور سازشی عناصر کی کھلی ہار ہے، عدالت میں مکمل قانونی جنگ کے ذریعے باہرآنے سےمیراضمیرمطمئن ہوااور قوم کے سامنے حقیقت کھل کر سامنے آگئی،ملک میں بیرونی عناصر کی مداخلت بندہونی چاہئے،بیرونی اشارےپرایک بے گناہ کوپھنسواناعدالتی نظام پرسوالیہ نشان ہے۔ انہوں نے کہا کہ ہم بھی کرپشن کا خاتمہ چاہتے ہیں مگر صاحب اقتدار کی کرپشن پر کوئی بھی ادارہ ہاتھ ڈالنے کی جرات نہیں کرسکتا،حکومت احتساب اور کرپشن کے خلاف ڈرامہ کررہی ہے،آنیوالے دو ہفتے پاکستانی سیاست کےنئے رخ متعین کرینگے، پاناما فیصلہ آنے پر ہی سیاسی منظر نامہ ترتیب پائے گا۔ بارہ میل پہنچنے پر مولاناقاری شان محمدقادری،شیخ ذوالفقاررضوی، عطاالرحمٰن قادری،لیاقت علی خٹک، شاہ محمد روہڑ، رمضان قادری، پیر رمضان شاہ،صدیق،آصف، خاور سعیدی، کاشف، اللہ دتہ،حاجی یونس، حاجی احمد، قمر حسین ودیگرنے خیرمقدم کیا۔
فرمان الہی
نماز کے اوقات
