ملتان،بہاولپور (سٹاف رپورٹر،ڈسٹرکٹ رپورٹر) یوم پاکستان کےسلسلےمیں ملتان میں یادگار شہداء اور بہاولپور میں پولوراؤنڈنورمحل میں تقریبات کااہتمام کیا گیا۔ تقریب میں مہمان خصوصی گیریژن کمانڈرمیجرجنرل محمدعارف نےیادگارشہداء پرسلامی دی اورپھولوں کی چادرچڑھائی،علاوہ ازیں ملتان گریژن میں 23مارچ یوم پاکستان کے حوالے سے تقریبات کاانعقادکیاگیاجس کامقصد جنوبی پنجاب میں یوم پاکستان کی اہمیت کواجاگرکرناتھا،تقریبات کاآغازقرآن خوانی اورملکی سلامتی کیلئےدُعاسےکیاگیا،مختلف تقریبات میں سکول وکالج کےبچوں نےملی نغمےپیش کئےجن میں جنوبی پنجاب کی ثقافت کواجاگراورمیوزک کابھی اہتمام کیاگیا،فنکاروں نے یوم پاکستان کی مناسبت سے فن کامظاہرہ کیا،تقریب میں آرمی افسر ان اورجوانوں سمیت تمام شعبہ ہائےزندگی سے تعلق رکھنے والے افرادکی کثیرتعدادنےشرکت کی،اس دن کی مناسبت سے ملتان گریژن کی شاہراؤں اورعمارتوں کوبرقی قمقموں سے سجایاگیا، ملتان گریژن میس میں ریٹائرڈآرمی افسران اور جوانوں کے اعزازمیں ملن پارٹی کابھی اہتمام کیاگیا۔بہاولپورمیں دن کاآغازتمام مساجد میں قرآن خوانی اور ملکی سلامتی کیلئے خصوصی دعاؤں سے کیاگیا۔ تمام سرکاری و غیرسرکاری عمارات پر چراغاں کیااور پاکستانی پر چم لہرایاگیا۔ ایک رنگارنگ پرُوقارتقریب کااہتمام پولوگراؤنڈنورمحل میں کیاگیاجس میں فوجی ہتھیاوں کےسٹالزلگائے گئے۔ فوجی بینڈنےملی نغموں کی دھُن بجاکرتقریب کوچارچاندلگا دیئے،بچوں کیلئے فیس پینٹنگ کےسٹالزبھی لگائےگئے۔تقریب میں فوجی وسول مہمانوں اورانکی فیملیزنے بڑی تعداد میں شرکت کی۔جنرل آ فیسر کمانڈنگ 35ڈویژن، میجرجنرل امجدعلی خان خٹک نےشرکاء کومبارکباددی۔شام میں نورمحل پربھی رنگارنگ لائٹ اینڈساؤنڈشوکااہتمام کیاگیااس مو قع پرسکول کےبچوں نےملی نغمےاورٹیبلو بھی پیش کئے۔تقریب کےمہمانِ خصوصی جنرل آفیسرکمانڈ نگ 26میکنائیزڈڈویژن میجرجنرل اخترنوازتھے۔
فرمان الہی
نماز کے اوقات
