کراچی (اسٹاف رپورٹر) عالمی نمبر ایک آسٹریلیا نے چار میچوں کی ٹیسٹ سیریز کے پہلے میچ میں عالمی نمبر 14 پاکستان کے چھکے چھڑاتے ہوئے یکطر فہ مقابلے کے بعد 6-1 سے شکست دے کر ایک صفر کی برتری حاصل کر لی۔ آسٹریلن شہر ڈارون میں گرین شرٹس کھلاڑی مکمل طور پر آف کلر نظر آئے۔ میچ میں ہونے والے سات گول میں سے چھ فیلڈ گول ہوئے، پاکستان کا واحد گول 60ویں منٹ میں کپتان حسیم خان نے اسکور کیا۔قومی کھلاڑیوں نے اس دوران گول کے دو آسان چانس بھی ضائع کئے۔ میچ کے بعد آسٹریلین کوچ کولن بیچ نے کہا ہے کہ جیت کے باوجود وہ فتح کے مارجن سے خوش نہیں۔ پاکستانی ٹیم نے خلاف توقع اچھی کار کردگی کا مظاہرہ کیا۔ ادھر پاکستانی ٹیم کے ہیڈ کوچ خواجہ جنید نے کہا کہ آسٹریلین سر زمین پر ہماری کار کردگی معیاری نہیں رہی، پہلے میچ میں کھلاڑی سیٹ نہیں ہوسکے، تاہم ابھی سیریز ختم نہیں ہوئی ہے ہم کم بیک کریں گے۔
فرمان الہی
نماز کے اوقات
