کراچی( اسٹاف رپورٹر) امریکی قونصلیٹ کے زیر اہتمام اسپورٹس ڈپلومیسی کے تحت منگل کو لڑکیوں کے ہاکی میچ کا انعقاد کیا گیا امریکی قونصل جنرل گریس شیلٹن نے 14 سے 20 سال عمر کی تقریباً ساٹھ کھلاڑیوں کا استقبال کیا، ان کھلاڑیوں کا تعلق اصلاح الدین ڈاکٹر شاہ اکیڈمی اور اسکالرشپ پروگرام ’’انگلش ایکسیس‘‘ سے تھا۔ اس موقع پرقونصل جنرل گریس شیلٹن نے کہا کہ ہم چاہتے ہیں کہ کراچی کی زیادہ سے زیادہ نوجوان لڑکیاں فیلڈ ہاکی میں حصہ لیں۔ اس موقع پر قومی ہاکی ٹیم کے سابق کپتان اصلاح الدین، حسن سردار، قمر ابراہیم، ، ایاز محمود، سمیر حسین، صغیر حسین اور ماہیہ معین بھی موجود تھے، اصلاح الدین نے اپنی کتاب قونصل جنرل کو پیش کی۔
فرمان الہی
نماز کے اوقات
