راولپنڈی(ایجنسیاں)آرمی چیف جنرل قمر جاوید باجوہ رزمک میں جام شہادت نوش کرنے والے میجر مدثر کے گھر گئے اور اہل خانہ سے تعزیت کی۔دریں اثناء جنرل قمر جاوید باجوہ نے روایتی جنگ کے لیے پاک فوج کی آپریشنل تیاریوں کے ساتھ ساتھ داخلی سکیورٹی آپریشنز میں کارکردگی پراطمینان کا اظہارکرتے ہوئے کہا ہے کہ دہشت گردی کے خلاف جنگ کے تجربے نے ہماری فوج کو ناقابل شکست اور آزمودہ بنا دیا ہے‘ آپریشن ردالفساد ملک میں استحکام لائے گا ۔پاک فوج کے شعبہ تعلقات عامہ (آئی ایس پی آر) کے مطابق منگل کو پاک فوج کے سربراہ جنرل قمر جاوید باجوہ نے بہاولپور گیریژن کا دورہ کیاجہاں پرانہیں آپریشنل تیاریوں ‘جاری داخلی آپریشنز اور کور کے دیگر امور کے حوالے سے تفصیلی بریفنگ دی گئی ‘جنرل قمرجاوید باجوہ نے بہاولپورمیں کمبائنڈ ملٹری اسپتال انسٹی ٹیوٹ آف میڈیکل سائنسز کا افتتاح بھی کیا۔قبل ازیں جوانوں سے خطاب کرتے ہوئے آرمی چیف جنرل قمر جاوید باجوہ نے کہا کہ آپریشن ردالفساد ملک میں امن و استحکام لائے گا ‘نوجوان افسران ہمارا فخر ہیں‘جنرل قمر جاوید باجوہ نے جاری سکیورٹی آپریشنز میں انکے کردار کی تعریف کرتے ہوئے کہا کہ جوان فوج کی اصل قوت ہیں ‘دریں اثناءآرمی چیف نے کمبائنڈ ملٹری اسپتال انسٹی ٹیوٹ آف میڈیکل سائنسز بہاولپور کا افتتاح کیا۔اس انسٹی ٹیوٹ میں ایم بی بی ایس کے لئے 100 طالبعلموں سے پہلے بیج کا آغاز کیا جائے گا اور آئندہ سال 50طالبعلموں کا اضافہ کیا جائے گا ‘بری فوج کے سربراہ نے کہاکہ پاک فوج ملکی تعمیر میں نمایاں کردار ادا کر رہی ہے ‘سی آئی ایم ایس بہاولپور بھی اسی سلسلے کی کڑی ہے ۔آرمی چیف جب بہالپور پہنچے تو کورکمانڈر بہاولپور لیفٹیننٹ جنرل شیر افگن نے ان کا خیر مقدم کیا ۔
فرمان الہی
نماز کے اوقات
