گجرات (نمائندہ جنگ) گجرات میں ڈکیتی و چوری کی 5 مختلف وارداتوں میں کار، موٹر سائیکل، نقدی، زیورات، چیک اور مال مویشی لوٹ لیے گئے، تھانہ سول لائن گجرات کے علاقہ چاہ بیری والا سے 2 نامعلوم مسلح ڈاکو اسلحہ کے زور عامر نواز کی سینٹری کی دکان میں گھس 70ہزارروپے نقدی اور1لاکھ روپے کا چیک، تھانہ سول لائن ہی کے علاقہ محلہ امین آباد سے خاتون شفاء بی بی اپنے شوہر سمیت دیگر افراد کے ہمراہ پرویز اقبال سے نقدی اور طلائی چین وغیرہ لوٹ کر لے گئے، تھانہ سٹی لالہ موسیٰ کے علاقہ جی ٹی روڈ پر واقع نجی بینک کے باہر سے نامعلوم چور وہند کے رہائشی رضوان یوسف کی کار، تھانہ لاری اڈا گجرات کے علاقہ جی ٹی روڈ پر واقع ٹریفک دفتر کے باہر سے نامعلوم چور سیالکوٹ کے رہائشی زین العابدین کی موٹر سائیکل چوری کرکے لے گئے جبکہ تھانہ صدر جلالپورجٹاں کے گاؤں بھاگووال خورد سے نامعلوم چور بدر شہزاد کے ڈیرہ سے اس کی بھینس معہ کٹا چوری کھول کر لے گئے، پولیس نے مقدمات درج کرلیے۔
فرمان الہی
نماز کے اوقات
