گوجرانوالہ(نمائندہ جنگ) محکمہ بہبود آبادی گوجرانوالہ کے زیر اہتمام یونین کونسل نمبر 2 سول لائنز میں ثقافتی میلہ کا انعقاد کیا گیا میلے میں عورتوں اور بچوں کی بڑی تعداد نے شرکت کی ثقافتی میلے میں کھانے پینے اور آبادی میں بڑھتے ہوئے اضافہ کے روک تھام کے حوالے سے آگاہی سٹال بھی لگائے گئے۔ میئر گوجرانوالہ شیخ ثروت اکرام نے سٹالوں کا معائنہ کیا اور ثقافتی میلے کے انعقاد کو سراہا اور کہا کہ محکمہ بہبود آبادی شہر کی تمام یونین کونسلوں میں اس قسم کے آگاہی میلوں کا انعقاد کرے۔ انہوں نے کہا کہ آبادی میں بے تحاشہ اضافہ بے شمار مسائل کا سبب بن رہا ہے وزیراعلیٰ میاں شہباز شریف کی ہدایت پر آبادی میں اضافہ کی روک تھام کیلئے ایسی سرگرمیاں انتہائی مفید ثابت ہونگی انہوں نے کہا کہ ترقی یافتہ ممالک کی طرح ہمیں بھی بڑھتی ہوئی آبادی پر قابو پانا ہوگا اس کے بغیر ترقی ممکن نہیں ۔انہوں نے مختلف مقابلوں میں شریک بچوں کو انعامات بھی دیئے
فرمان الہی
نماز کے اوقات
