بہاولپور(ڈسٹرکٹ رپورٹر)صدر سرکل بہاول پور اور احمد پور شرقیہ کے پولیس اور حساس اداروں کا مختلف علاقوں میں سرچ آپریشن،8 ملزمان گرفتار، 965لیٹر دیسی شراب اور لہن کے ساتھ 3چالوبھٹیاں برآمد،علیحدہ علیحدہ مقدمات درج۔ تفصیل کے مطابق نیشنل ایکشن پلان کے تحت ضلع بھر میں ڈسٹرکٹ پولیس آفیسراشفاق خان کی ہدایت پر سرچ آپریشن کیا گیا۔صدر سرکل بہاول پور کے موضع باقر پور سے محمد شاہد کو گرفتارکرکے اس کے قبضہ سے 120لیٹر دیسی شراب معہ چالوبھٹی اور240لیٹر لہن برآمد کرلی۔ دوسری کارروائی میں موضع باقر پور کے ہی زبیر خان کو گرفتار کرکے اس کے قبضہ سے 105لیٹر شراب معہ چالوبھٹی اور 200لیٹر لہن برآمد کرلی۔محمد رمضان اور صابر حسین کو گرفتار کرکے ان کے قبضہ سے 90لیٹر دیسی شراب معہ چالوبھٹی اور210لیٹر لہن برآمد کرلی۔سرکل احمد پورشرقیہ کے شمیم آباد کے رہائشی محمد رفیق کوخیرپورڈاہاروڈسے گرفتار کرکے اس کے قبضہ سے 25لیٹر دیسی شراب برآمد کرلی۔ تھانہ اوچشریف پولیس نے محلہ اوچ گیلانی کے غلام فرید مالک مکان او رکرایہ دار کو عارضی رہائش آرڈنینس کی خلا ف ورزی کرنے پر گرفتارکرلیا۔تھانہ صدر بہاول پور نے اشتہاری ملزم پرویز خان اور قیصر عباس کو گرفتارکرلیا۔ ملزمان کے خلاف مقدمات درج کرلئے گئے۔
فرمان الہی
نماز کے اوقات
