بہاول پور(سٹی رپورٹر)میئرمیونسپل کارپوریشن بہاول پور عقیل نجم ہاشمی اور ڈپٹی میئر ملک منیر اقبال چنڑ نے ادارہ کی کارکردگی بہتر بنانے اور عوام کو زیادہ سے زیادہ ریلیف فراہم کرنے کے لیے میونسپل کارپوریشن بہاول پور کی ویب سائٹ mcbahawalpur.gop.pk کا افتتاح کردیا۔ افتتاحی تقریب سے میئر میونسپل کارپوریشن عقیل نجم ہاشمی نے خطاب کرتے ہوئے کہا کہ اس ویب سائٹ کی مدد سے اب لوگ اپنے گھروں اور دفاتر میں بیٹھ کر میونسپل کارپوریشن کی کارکردگی، شکایات اور مسائل کے ازالہ کے لیے کیے جانے والے اقدامات سے فوری طور پر آگاہ ہوسکیں گے۔ انہوں نے کہا کہ اس کی مدد سے ادارہ کو مزید فعال اور متحرک بنانے کے لیے لوگ اپنی تجاویز بھی پیش کرسکیں گے۔ انہوں نے کہا کہ میونسپل کارپوریشن بہاول پور کی ویب سائٹ کی مدد سے ادارے کی کارکردگی، جائزہ اور تمام امور کی مانیٹرنگ کی جائے گی۔ڈپٹی میئر ملک منیر اقبال چنڑ نے اظہار خیال کرتے ہوئے کہا کہ میونسپل کارپوریشن کی ویب سائٹ لانچ ہونے سے ادارہ میں ایک خوبصورت اضافہ ہوا ہے۔
فرمان الہی
نماز کے اوقات
