لاہور (نمائندہ جنگ)گوجرانوالہ کے علاقے ایمن آباد کے قریب جعفر ایکسپریس کی8بوگیاں پٹڑی سے اترگئیں جس کے نتیجے میں 25 افراد زخمی ہو گئے تاہم کوئی جانی نقصان نہیں ہوا ۔ زخمیوں میں خواتین اور بچے شامل ہیں جنہیں ڈسٹرکٹ ہیڈ کوارٹر ہسپتال منتقل کر کے طبی امداد فراہم کی گئی۔منگل کے روز پشاور سےبراستہ لاہور کوئٹہ تک جانے والی جعفر ایکسپریس کی8بوگیاں گوجرانوالہ کے علاقے ایمن آباد کے قریب پٹڑی سے اتر گئیں جن میں سے چار بوگیاں الٹ کر دور جا کریں جس کے نتیجے میں25افراد زخمی ہو گئے جن میں خواتین اور بچوں کی تعداد زیادہ بتائی جاتی ہے جنہیں فوری طبی امداد کے لئے ڈی ایچ کیو ہسپتال گوجرانوالہ منتقل کر دیا گیا تاہم زیادہ تر زخمیوں کو معمولی چوٹیں آئیں ، ریلوے ذرائع نے زخمیوں کی مجموعی تعداد 19بتائی ہے جن میں 4شدید زخمی ہیں حادثے کے فوری بعدمقامی لوگوں نے اپنی مد د آپ کے تحت زخمیوں اور مسافروں کو بوگیوں سے نکالا،خدشہ ہے کہ ٹریک کو ٹمپر کیا گیا ہو کیونکہ ٹرین ڈرائیور کو ایمن آباد موڑ کے قریب پٹڑی ٹیٹرھی دکھائی دی تو اس نے فوری طور پر بریک لگائی ۔
فرمان الہی
نماز کے اوقات
