کراچی ( اسٹاف رپورٹر ) 22 ویں ڈاکٹر ایم اے شاہ ڈے اینڈ نائٹ کرکٹ ٹرافی یکم رمضان سے اصغر علی شاہ کرکٹ اسٹیڈیم کراچی میں کھیلی جائے گی۔ چیئر مین ٹورنامنٹ کمیٹی ڈاکٹر سید جنید علی شاہ کے مطابق ایونٹ میں ملک بھر سے 16 ممتاز ٹیمیں حصہ لینگی جن کو چار گروپس میں تقسیم کیا جائے گا ۔ ٹورنامنٹ کیلئے ٹورنامنٹ کمیٹی کا اجلاس گزشتہ روز اصغر علی شاہ اسٹیڈیم نارتھ ناظم آباد پر ہوا ۔ ٹورنامنٹ کیلئے مختلف کمیٹیو ں کا اعلان کردیا گیا ۔ اس سال پشاور ، کوئٹہ، لاہور اور ملتان کی ٹیموں نے شرکت کی تصدیق کی ہے ۔آرگنائزنگ کمیٹی میں چیئرمین ڈاکٹر سیدجنید علی شاہ ، ڈائریکٹر نصرت فہیم ،ٹورنامنٹ سیکریٹری سید عمران حسین زیدی شامل ہیں جبکہ ایگزیکٹیو کمیٹی میں ڈاکٹر سید عمران علی شاہ ،ڈی آئی جی اشرف نظامانی، اولمپئن وسیم فیروز، اور اقبال وارث چیئرمین ٹیکینکل کمیٹی ہونگے دیگر ممبران میں وحید مرزا ، عرفان حبیب، سیف خان، شعیب خان کو رکھا گیا ہے ۔ ممبر ایگزیکٹیو کمیٹی ڈاکٹر سید عمران علی شاہ کے مطابق مجموعی طور پر 10لاکھ روپے سے زائدرقم کے انعامات تقسیم کیے جائیں گے۔ فاتح ٹیم کو 6 لاکھ ، رنراپ ٹیم کو 3لاکھ روپے کے علاوہ ۔ مین آف دی ٹورنامنٹ 25 ہزار روپے۔ مین آف دی فائنل 20 ہزار روپے کوارٹر فائنلزاور سیمی فائنلز کے مین آف دی میچز کو 5،5 ہزار روپے کی انعامی رقم ملے گی۔
فرمان الہی
نماز کے اوقات
