گجرات (نمائندہ جنگ) لڑائی جھگڑوں کے واقعات میں خاتون سمیت متعدد افراد زخمی ہوگئے، لاری اڈا گجرات کے علاقہ سمال انڈسٹری میں سید سجاد اکبر کے ملازم خرم مال لینے گئے تو اسد مظہر، امتیاز احمد وغیرہ نے کمروں میں بند کرکے تشدد کا نشانہ بنایا، لاری اڈا کے علاقہ لوکڑی میں ساجد علی نے خاتون شازیہ بی بی کے ہمراہ حملہ کرکے عائشہ بی بی کو زخمی کردیا، لاری اڈا ہی کے علاقہ محلہ طارق آباد میں مہر محمد آصف وغیرہ 6 افراد نے خاتون فوزیہ بی بی کے گھر گھس کر دھمکیاں اور گالیاں دیں، ککرالی کے گاؤں ہنج میں واصف بشارت وغیرہ نے معمولی تلخ کلامی پر منور حسین کے گھر گھس کر فائرنگ کی جبکہ گلیانہ کے گاؤں تہال میں طاہر اقبال وغیرہ نے غلام قادر کے بیٹے پر فائرنگ کی، پولیس نے مقدمات درج کرلیے۔
فرمان الہی
نماز کے اوقات
