آئی پی ايل ميں ممبئی انڈينز نے رائل چيلنجرز بنگلور کو 5 وکٹوں سے ہرا کر کر پلے آف کے لئے کواليفائی کرليا ہے۔ بنگلور نے پہلے کھیلتے ہوئے آٹھ وکٹ پر 162 رنز اسکور کیے، ابراہم ڈیویلیئرز 43، پوان نیگی 35 اور کیدار جادھیو 28 رنز کے ساتھ نمایاں رہے۔
فاتح ٹيم نے 163 رنز کا ہدف ايک گيند قبل حاصل کرليا، کپتان روہت شرما نے فتح گر 56 رنز کی اننگز کھیلی۔ جوز بٹلر نے 33 اور نتیش رانا نے 27 رنز کے ساتھ ان کا ساتھ دیا۔
اس دوران روہت شرما نے آئی پی ايل ميں 4 ہزار رنز مکمل کرلیے، یہ سنگ میل عبور کرنے والے وہ چوتھے کھلاڑی ہیں۔ قبل ازیں رائنا، کوہلی اور گوتم گھمبیریہ اعزاز حاصل کرچکے ہیں۔اس شکست کے ساتھ ويرات کوہلی کی ٹيم رائل چيلنجرز بنگلور پلے آف ریس سے باہر ہوگئی ہے۔
دریں اثنا دن کے دوسرے ميچ ميں رائزنگ پونے نے گجرات لائنز کو ہراديا،162رنز کے کامياب تعاقب ميں مرکزی کردار انگلش آل رائونڈر بین اسٹوکس نے ادا کيا۔
انہوں نے6 چھکوں اور 7 چوکوں کی مدد سے 63 گیندوں پر 103 رنز بناکر ناقابل شکست سنچری اسکور کی۔ان کے اسٹروکس کی گونج سے مخالف بولرز سہمے رہے اور میچ 5 وکٹوں سے ہار گئے۔
گجرات نے پہلے کھیلتے ہوئے 161 رنز اسکور کیے تھے۔برینڈن میک کولم ہی 45 رنز کے ساتھ مزاحمت کرسکے۔ عمران طاہر اور جے دیو اناڈکٹ نے تین تین وکٹ لیے تھے۔
فرمان الہی
نماز کے اوقات
