ملتان (سٹاف رپورٹر) بلدیاتی اداروں کی مخصوص نشستوں کے انتخابات کے سلسلے میں یونین کونسل نمبر 103 میں خواتین کی مخصوص نشست پر دونوں امیدواروں نے برابر ووٹ حاصل کر لیئے ۔ ہار جیت کا فیصلہ آج ٹاس پر ہو گا۔تفصیل کے مطابق ضلع ملتان میں خالی مخصوص نشستوں میں سے ایک نشست پر گذشتہ روز الیکشن ہوا ، یونین کونسل 103 چدھڑ میں ہونے والے الیکشن میں بشیراں بی بی اور کلثوم بی بی میں مقابلہ ہوا ، پولنگ ختم ہونے تک 8 ووٹ کاسٹ کیئے گئے ، دونوں امیدواروں نے 4، 4 ووٹ حاصل کیئے اس طرح مقابلہ برابر رہا ۔خاتون امیدوار بشیراں بی بی نےچمٹے کے نشان پر اور کلثوم بی بی نے چوڑیوں کے نشان پرالیکشن لڑا ۔الیکشن کمیشن ذرائع کے مطابق مقابلہ برابر ہونے پر ریٹرنگ افسر دونوں امیدواروں کے درمیان ٹاس کے ذریعے ہار جیت کا فیصلہ کریں گے ۔ ریٹرنگ افسر نے آج ٹاس کرانے کا فیصلہ کر لیا ہے ۔
فرمان الہی
نماز کے اوقات
