کراچی (اسٹاف رپورٹر) ملائیشیا کے شہر اپوہ میں کھیلے جانے والے اذلان شاہ ہاکی ٹور نامنٹ میں بدھ کو بھارت نے مندیپ سنگھ کی ہیٹ ٹرک کی مدد سے جاپان کو سخت مقابلے کے بعد 4-3سے شکست دے دی، آسٹریلیا نے برطانیہ کو 2- 1سے نیوزی لینڈ نے ملائیشیا کو 1- 0سے شکست دے دی۔ دفاعی چیمپئن آسٹریلیا نے برطانیہ کی خلاف کامیابی کے بعد ایونٹ میں فتوحات کی ہیٹ ٹرک مکمل کر لی،اس کامیابی کے ساتھ ہی آسٹریلیا کے تیرہویں مرتبہ ایونٹ کے فائنل میں پہنچنے کے امکانات بھی روشن ہو گئے۔ آسٹریلوی ٹیم 10 پوائنٹس کے ساتھ پوائنٹس ٹیبل پر سرفہرست ہے، اس نے ایونٹ میں اب تک چار میچ کھیلے ہیں، تین جیتے اور ایک ڈرا کیا اور اب اسے آخری میچ میں جاپان کا چیلنج درپیش ہو گا، ایک اور میچ میں بھارت نے جاپان کو سخت مقابلے کے بعد 4-3 گولز سے ہرا کر دوسری کامیابی حاصل کی۔ برطانوی ٹیم کے تین مقابلوں میں سات پوائنٹس ہیں جس سے وہ آسٹریلیا کے برابر آ گئی ہے۔ لیکن آسٹریلوی ٹیم اپنے بہترین گول ایوریج کی بنیاد پر ٹیبل میں سب سے اوپر پر ہے جبکہ برطانیہ نے بھارت کو تیسرے مقام پر پہنچادیا ہے۔ ایونٹ میں جمعرات کو آ رام کا دن ہے۔
فرمان الہی
نماز کے اوقات
