راولپنڈی‘ دولتالہ‘ کہوٹہ‘ سرائے عالمگیر‘ کلر سیداں (سٹاف رپورٹر‘ نمائندگان جنگ)راولپنڈی اسلام آباد سمیت مختلف شہروں میں ٹریفک حادثات اور دیگر واقعات میں چار خواتین سمیت 11افراد جاں بحق ہو گئے۔سینٹرل اڈیالہ کاقلی ٹریفک حادثہ میں جاں بحق ہوگیا، اڈیالہ جیل کاملازم محمداشرف ولدجیون بخش ہفتہ کو ڈیوٹی کے بعدجیل سے باہرنکلاجہاں جیل کے سامنے ایک تیزرفتارموٹرسائیکل نے اسے ٹکرماردی ۔ تھانہ کورال کے علاقہ میں ٹریفک کے دوحادثات میں ایک خاتون اور کم سن بچہ جاں بحق ہو گیا۔ محمد اقبال نے پولیس کو بتایا کہ اس کی بیوی شمیم اختر اور بیٹی حمیرا قیوم روڈ پار کر رہی تھیں کہ کے آر ایل چوک کے قریب کار نے انہیں ٹکر ماردی جس سے انکی اہلیہ جاں بحق جبکہ بیٹی زخمیی ہوگئی۔ سید امجد حسین نے تھانہ کورال پولیس کو بتایا کہ پڑتال میں ٹریکٹر ٹرالی کے ڈرائیور نے تیزرفتاری سے ڈرائیونگ کرتے ہوئے میرے ڈیڑھ سالہ بھتیجے لیاقت کو ٹکر مار دی جس سے وہ چل بسا۔ دولتالہ کے علاقہ میں 55سالہ خاتون جمیلہ بی بی گزشتہ روز گھر میں پراسرار طور پر مردہ حالت میں پائی گئی۔ پوسٹمارٹم کے بعد لواحقین نے نعش دولتالہ بینک چوک میں رکھ کر شدید احتجاج کیا۔ دریں اثناء تھانہ جاتلی کے علاقہ درکالی کلاں میں 28سال نوجوان توصیف شاہ ولد غالب شاہ نے خود کشی کرلی۔ کہوٹہ کے علاقہ میں آزاد کشمیر جانیوالی کار اور ویگن کے تصادم میں خاتون گلفراز بیگم اور محمد اعظم جاں بحق جبکہ تین افراد زخمی ہو گئے۔ سرائے عالمگیر کے علاقہ میں تیزرفتار ٹرک نے جی ٹی روڈ پر سبزی منڈی کے قریب موٹر سائیکل کو ٹکر مار دی جس کے نتیجے میں معمر خاتون انور بی بی جاں بحق ہو گئی جبکہ مراڑیاں کے قریب تیز رفتار کار نے چھ سالہ ریحان کو ٹکر مار دی جس کے نتیجے میں وہ جاں بحق ہو گیا۔ جنوبی افریقہ میں دوران ڈکیتی مزاحمت پر فائرنگ سے باپ قتل بیٹا شدید زخمی ہو گیا۔ 45سالہ عارف سکنہ بغداد کالو نی نے جنو بی افریقہ میں اپنی د کان بنا رکھی تھی۔ کلر سیداں کے نواحی علاقہ میں ٹریکٹر ٹرالی الٹنے سے 55سالہ غلام احمد بھٹی جاں بحق ہو گیا۔
فرمان الہی
نماز کے اوقات
