لاہور(خبرنگارخصوصی)لاہور ہائیکورٹ نے منی لانڈرنگ کے الزام میں وزیر اعظم نواز شریف وزیر اعلیٰ شہباز شریف اور وزیر خزانہ اسحاق ڈار کیخلاف کارروائی کی 21سال پرانی درخواست پر فریقین کو دوبارہ نوٹس جاری کر دیئے ہیں۔ لاہور ہائیکورٹ کےجسٹس شمس محمود مرزا نے پیر شمروز رضوان کی ترمیمی درخواست پر سماعت کی۔درخواست گزار نے کے وکیل بیرسٹر جاوید اقبال جعفری نے الزام لگایا کہ نواز شریف اور دیگر شخصیات منی لانڈرنگ میں ملوث ہیں ، انکے الیکشن لڑنے پر تاحیات پابندی لگائی جائے۔یہ درخواست 1996 سے ہائیکورٹ میں زیر سماعت ہے جس کا ابھی تک فیصلہ نہیں ہوا ۔عدالت میں شریف خاندان اور وفاقی حکومت کی جانب سے کوئی وکیل پیش نہیں ہوا جس پر عدالت نے تمام فریقین کو 22 جون کیلئے نوٹس جاری کر دیئے ۔
فرمان الہی
نماز کے اوقات
