ٹھٹھہ (نامہ نگار) تین گرڈ اسٹیشنز کی مرمت کے باعث ضلع بھر میں لگاتار 12 گھنٹے بجلی کی فراہمی معطل، کاروبار زندگی مفلوج، عوام شدید گرمی میں تڑپتے رہے۔ مکلی، میرپور ساکرو اور پیر پٹھو گرڈ اسٹیشنز میں مرمتی کام کے باعث ضلع بھر کے تمام دیہی اور شہری علاقوں میں صبح 8 بجے سے رات 8 بجے تک بارہ گھنٹے بجلی کی فراہمی مکمل بند رہی جس کے باعث کاروباری اور گھریلو صارفین یکساں طور پر متاثر رہے، لگاتار بارہ گھنٹے بجلی بند رہنے کے باعث خواتین، بچے اور معمر حضرات شدید گرمی میں تڑپتے رہے جبکہ بجلی کی عدم دستیابی اور شدید گرمی کے باعث جہاں لوگ اپنے گھروں تک محدود رہے تو وہیں بازاریں بھی ویران دکھائی دیئے، کاروبار مندا ہا اور دکاندار خود پر پنکھا جھلتے نظر آئے۔
فرمان الہی
نماز کے اوقات
