گوجرانوالہ(نمائندہ جنگ) اینٹی کرپشن کی ٹیم نے چھاپہ مار کر محکمہ انڈسٹریز کے انسپکٹر کو رشوت لیتے ہوئے گرفتار کرلیا۔ کوٹ سعد اللہ، سنگووالی کے رہائشی رانا رضوان احمد نے ریجنل ڈائریکٹر اینٹی کرپشن محمد الیاس گل کو درخواست دی کہ اس نے اپنی تنظیم کی رجسٹریشن کیلئے محکمہ انڈسٹریز سے رابطہ کیا جہاں انسپکٹر محمد کلیم نے اس سے اڑھائی ہزار روپے رشوت مانگی حالانکہ سرکاری فیس 500روپے مقرر ہے۔جس پر ڈسٹرکٹ اینڈ سیشن جج کی منظوری سے سپیشل جوڈیشل مجسٹریٹ امتیاز بیگ اور سرکل آفیسر اینٹی کرپشن عامر حسین سندھو پر مشتمل ٹیم تشکیل دی گئی جس نے دفتر انڈسٹریز پر چھاپہ مار کر انسپکٹر محمد کلیم کو اڑھائی ہزار روپے رشوت لیتے ہوئے رنگے ہاتھوں گرفتار کرلیا۔ ملزم کے خلاف مقدمہ درج کرلیا گیا
فرمان الہی
نماز کے اوقات
