وزیر مملکت برائے اطلاعات مریم اورنگزیب کا کہنا ہے کہ وزیر اعظم نواز شریف کے دل کے ساتھ عوام کا دل دھڑکتا ہے، انہوں نے تحمل اور برداشت سے تمام الزامات کا سامنا کیا ۔
وزیرمملکت برائے اطلاعات مریم اورنگزیب نے بھوربن میں عوامی اجتماع سے خطاب کرتے ہوئے کہا کہ پاکستان کا نام دنیا کی 20 بڑی معیشتوں میں آرہاہے ۔
انہوں نے کہا کہ وزیراعظم نوازشریف کا مقصد عوام کی کامیابی ہے، 2013ء میں پاکستان معاشی طور پر دیوالیہ ہونے جا رہا تھا۔
وزیر مملکت کا کہنا ہے کہ 2013ء میں دہشت گردی کے واقعات ہوتے تھے ،دہشت گردی کے نیٹ ورک کو توڑا جا رہا ہے،آج دہشت گردی کے واقعات میں کمی آئی ہے ۔
مریم اورنگزیب نے مزید کہا کہ وزیراعظم نوازشریف پاکستان کی ترقی کو یقینی بنا رہے ہیں، بیت المال کا بجٹ 2013ء کے بعد ڈبل کردیا گیا۔
فرمان الہی
نماز کے اوقات
