گوجرانوالہ(نمائندہ جنگ)کمشنر گوجرانوالہ ڈویژن کیپٹن (ر) محمد آصف نے کہا ہے کہ ڈویژن میں 27 میگا پراجیکٹس مکمل کئے جا رہے ہیں ان پر تعمیراتی کام کی رفتار تیز کر دی فلاح عامہ کے یہ بڑے منصوبے مکمل ہونے سے سماجی انقلاب برپا ہو گا اور کروڑوں عوام زندگی کی بنیادی سہولتوں سے مستفید ہونگے۔ انہوں نے بتایاکہ ان میگا پراجیکٹس میں ٹیچنگ ہسپتال‘ ڈسٹرکٹ ہیڈ کوارٹر ہسپتال میں جدید خصوصی طبی خدمات کی اپ گریڈیشن ‘ عزیز کراس فلائی اوور کی تعمیر ‘ وزیر آباد سے کوٹ ہرا تک 43 کلو میٹر سڑک ‘ سادھو کی سے بیگ پور ‘ حافظ آباد سے خانپور ‘ جلالپور سےقادر آباد تک سٹرکوں کی تعمیر ‘ قلعہ میاں سنگھ مائنر سے راجکوٹ‘ ڈسپوزل سٹیشن کے نالے ‘ کھاریاں سے جلالپور جٹاں روڈ ‘ گجرات میں مدینہ سے اعوان شریف تک سڑک کی تعمیر ومرمت ‘ گجرات میں دریائے چناب پر پل کی تعمیر ‘ کوٹ ارب علی خاں سے کھاریاں تک سڑک تعمیرکی جائیگی ۔کمشنر نے کہا کہ متعلقہ اضلاع کے ڈپٹی کمشنرز کو اپنے اپنے ضلع کے ان میگا پراجیکٹس کی تعمیر اور فنڈز و دیگر معاملات کی پیش رفت کے لئے خصوصی ہدایات جاری کی جا چکی ہیں۔
فرمان الہی
نماز کے اوقات
