فرمان الہی
نماز کے اوقات
کراچی ( اسٹاف رپورٹر) کراچی باسکٹ بال ایسوسی ایشن اور پاکستان اسپورٹس ویلفیئر ایسوسی ایشن کے اشتراک سے منعقد ہونے والا چھٹا سندھ اسپورٹس بورڈ کپ رمضان باسکٹ بال ٹورنامنٹ کا افتتاحی میچ میں آرام باغ کلب نے کراچی کوئس کو 40-77 پوائنٹس کی برتری سے جیت لیا۔ آرام باغ کی جانب سے ان کے اسٹار کھلاڑی زین العابدین نے 2 تھر ی پوائنٹز کی مدد سے 19، راج کمار نے 18 اور جہانز یب نے 14 پوائنٹس اسکور کئے۔ کراچی کوئس کی جانب سے سفیر حسین نے 12، تمیم حسین نے 11 اور محمود حسین نے 7 پوائنٹس اسکور کئے۔ٹورنامنٹ کا افتتاح سندھ اسپورٹس بورڈ کے ڈائر یکٹر شہزاد پرویز بھٹی نے کیا۔ اس موقع پر ٹورنامنٹ کمیٹی کے چیئرمین غلام محمدخان ،سندھ اولمپک ایسوسی ایشن کے سیکریٹری احمدعلی راجپوت ، عبدالناصر نے بھی خطاب کیا۔
