فرمان الہی
نماز کے اوقات
کراچی(اسٹاف رپورٹر) شہید بے نظیر بھٹو سندھ کراٹے چیمپئن شپ 8 گولڈ میڈلز اور2برانز میڈل کے ساتھ کراچی گرین نے جیت لی۔ککری گرائونڈ لیاری میں ہونے والے ان مقابلوں میں لاڑکانہ نے 3سلور اور ایک برانز میڈلز کے ساتھ دوسری پوزیشن حاصل کی، سانگھڑ نے4سلور اور4 برانز میڈلز حاصل کرکے تیسری پوزیشن حاصل کراچی، کراچی ریڈ ایک گولڈ،ایک سلور اور5 برانز میڈلز کے ساتھ چوتھی پوزیشن پر رہی۔مختلف کیٹگریز میں مجیب اللہ، سید شاہ فیصل، سید شاہ نور، سید اعظم،نادر،شہباز خان، راشد علی، سید رضا نے گولڈ میڈلز حاصل کئے۔ گلزیب، سعد نذیر، نعمت اللہ،عبداللہ سولنگی، یحیٰ خان، عبدالسمیع،بشیر احمد، عابد حسین،اسد، ذیشان اور صدام سلور میڈلز کے حق دار قرار پائے۔سید شاہ نور تین گولڈ میڈلز حاصل کرکے چیمپئن شپ کے بہترین کھلاڑی قرار پائے۔
