بگوٹا : شاپنگ سینٹر میں دھماکا، 3 خواتین ہلاک

کولمبیا کے دارالحکومت بگوٹا کے شاپنگ سینٹر میں دھماکے سے 3 خواتین ہلاک اور 9 زخمی ہو گئے ہیں۔عینی شاہدین کے مطابق دھماکے کے فوراً بعد شاپنگ سینٹر کو خالی کرا لیاگیا ہے۔

پولیس کے مطابق دھماکا خیز ڈیوائس سیکنڈ فلور کے ایک ٹوائلٹ میں رکھی گئی تھی۔شاپنگ سینٹر میں فادرز ڈے کی خریداری کے حوالے سے رش تھا۔

بگوٹا کے میئر نے دھماکےکی مذمت کرتے ہوئے اسے بزدلانہ دہشت گردحملہ قرار دیا ہے۔

دھماکے کی جگہ ایمبولنس اور فائر بریگیڈ کی گاڑیاں بر وقت پہنچ گئیں جنہوں نے امدادی کاموں کا آغاز کرتے ہوئے زخمیوں کو اسپتال پہنچایا تھا۔

دھماکے کے بعد حکام کی توجہ فوری طور پر ملک کے سب سے بڑے باغی گروپ نیشنل لبریشن آرمی کی جانب گئی، جس نے فروری میں بوگوٹا میں ہی دھماکے کی ذمہ داری قبول کی تھی، دھماکے میں ایک پولیس افسر ہلاک اور 20زخمی ہوئے تھے۔