فرمان الہی
نماز کے اوقات
اسلام آباد(اے پی پی)دریں اثناءوزیر مملکت برائے اطلاعات و نشریات و قومی ورثہ مریم اورنگزیب نے روایتی حریف بھارت کے خلاف آئی سی سی چیمپئنز ٹرافی کے فائنل میچ میں تاریخ ساز کامیابی پر پوری قوم، قومی کرکٹ ٹیم اور کپتان سرفراز احمد کو مبارکباد دیتے ہوئے کہا ہے کہ چیمپئنز ٹرافی جیت کر کرکٹ ٹیم نے قوم کو پیشگی عید کا تحفہ دیا۔فتح کھلاڑیوں‘ بالرز اور فیلڈرز کی شاندار ٹیم ورک اور بھرپور صلاحیتوںکا نتیجہ ہے۔آئی سی سی چیمپنز ٹرافی میں شرکت کے بعد پاکستانی کرکٹرز منگل کی صبح مختلف پروازوں سے کراچی لاہور، اسلام آباد اور پشاور پہنچ رہے ہیں۔پیر کی صبح پاکستانی ٹیم لندن کے گیٹ ویک ایئرپورٹ سے دبئی روانہ ہوگی جہاں سے کھلاڑی مختلف فلائٹس سے پاکستان پہنچیں گے۔ پاکستان کے منیجر طلعت علی مانچسٹر چلے جائیں گے وہ عید کے بعد لاہور آکر ٹور رپورٹ دیں گے جبکہ جنید خان انگلش کاونٹی لنکا شائر کاونٹی کے لئے انگلش سیزن کھیلیں گے۔بولنگ کوچ اظہر محمود لندن میں اپنے اہل خانہ کے ساتھ رہیں گے۔ پاکستان کے ہیڈ کوچ مکی آرتھر فیلڈنگ کوچ اسٹیو رکسن ،فزیو تھراپسٹ شین ہیز آسٹریلیا اور ٹرینر گرانٹ لوڈن زمبابوے جائیں گے۔
