فرمان الہی
نماز کے اوقات
لندن ( جنگ نیوز) عالمی نمبر ایک برطانوی ٹینس پلیئر اینڈی مرے پیر کو الیگزینڈر ببلک کیخلاف ومبلڈن میں اپنے ٹائٹل کا دفاع کرینگے ۔30سالہ مرے تیسری بار ٹائٹل کی جنگ لڑیں گے ۔راجرفیڈرر ومبلڈن کا ٹائٹل 7 مرتبہ ، سربیائی کھلاڑی نوواک جوکووچ 3 مرتبہ جبکہ رافیل نڈال 2 مرتبہ جیت چکے ہیں ۔ راجر فیڈرر یوکرائن کے الیگزینڈر ڈولگوپاولوکا پہلے میچ میں سامنا کرینگے ۔خواتین سنگلز میں برطانیہ کی جوہانہ کونٹا تائیوان کی سو وئی کا سامنا کر ینگی ۔ویمنز سنگلز میں عالمی نمبر ایک اینجلیک کربر ایسٹ بورن کی سیمی فائنل کی فاتح کیرولینا پلسکووا کیخلاف پہلا میچ کھیلیں گی ۔ فرنچ اوپن کی فاتح لٹویا کی یلینا اوستاپینکو متوقع طور پر سیمونا ہیلپ کا سامنا کرینگی ۔دفاعی چیمپئن اینڈی مرے انجری کا شکار ہو گئے تھے ،جس کے بعد انہوں نے انگلینڈ کلب میں ٹریننگ کی ۔ واضح رہے کہ خواتین سنگلز کی دفاعی چیمپئن سیرینا ولیمزرواں برس ایونٹ کا حصہ نہیں بن سکیں گی ۔ دریں اثنا میگا ایونٹ سے قبل روایتی پارٹی ہوئی جس میں عالمگیر شہرت کے حامل پلیئرز کی شرکت نے چار چاند لگادیے۔ خاتون اسٹار نے ریڈ کارپٹ پر واک کی جس سے ہر طرف ہلچل مچ گئی۔
