فرمان الہی
نماز کے اوقات
کراچی (جنگ نیوز) عوامی مسلم لیگ کے سربراہ شیخ رشید احمد اور سلیم صافی ہفتے کو ”جیونیوز“ کے پروگرام ”جرگہ“ میں آمنے سامنے ہوں گے۔ شو کے دوران شیخ رشید احمد سے پاکستان کی موجودہ سیاسی صورتحال، آئندہ انتخابات اور مستقبل کے لائحہ عمل پر اہم گفتگو ہوگی۔ تلخ و شیریں سوال و جواب پر مبنی یہ دلچسپ گفتگو ناظرین سلیم صافی کی میزبانی میں رات10بجکر5منٹ پر ملاحظہ کرسکیں گے۔ ٭”خبرناک“ میں وفاقی وزیرریلوے خواجہ سعد رفیق (ڈمی) مہمان ہوں گے۔ شو کے دوران اُنہوں نے اپنی منطق پیش کرتے ہوئے بتایا کہ پاکستان ریلوے کا موازنہ امریکا سے نہیں افغانستان سے کریں۔ اونچے نیچے ا سٹیشن پر سعد رفیق کو ٹرین کے انتظار میں بھی دکھایا جائے گا۔ ایک موقع پر ڈمی وزیر کا کہنا تھا کہ گدھے اور اسکوٹر تو بسوں کی چھتوں پر آجاتے ہیں پھر مال گاڑیوں کی کیا ضرورت ہے؟۔ ناظرین ڈمی وزیر کو ریلوے اسٹیشن پر گھریلو جھگڑے نمٹاتا بھی دیکھیں گے۔ پروگرام میں دکھایا جائے گاکہ ”نمبر جینئس نے ہندسوں کے چکر کو کس طرح مات دی“ طنز و مزاح سے بھر پور ”خبرناک“ علی میراور عائشہ جہانزیب کےساتھ رات 11 بجکر5 منٹ پر نشر ہوگا۔
