فرمان الہی
نماز کے اوقات
کراچی (اسٹاف رپورٹر) عقیل شبیر اور عروج التفات نے سندھ ٹینس ایسو سی ایشن کے جانب سے جاری ہونے والی مینز رینکنگ میں پہلی پوزیشن حاصل کرلی۔ انہوں نے کافی عرصے سے پہلی پوزیشن پر فائز ابراہیم التفات کو پیچھے چھوڑتے ہوئے 70 پوائنٹس کے ساتھ رواں ششماہی میں نمبر ون ہونے کا اعزاز حاصل کیا۔ سندھ ٹینس ایسو سی ایشن بدھ کو نئی ششماہی ریکنگ جاری کی جس کے مطابق عقیل شبیر مینز میں پہلی جبکہ خواتین میں عروج التفات نے مسلسل تین سال تک نمبر ون رہنے والی ہانیہ نوید کو پیچھے چھوڑتے ہوئے پہلی پوزیشن حاصل کی۔ عروج التفات نے 50 پوائنٹس کے ساتھ خواتین میں پہلی پوزیشن حاصل کی۔ ابراہیم رواں ششماہی میں 55 پوائنٹس حاصل کرکے دوسرے اور فرحان الطاف 45 پوائنٹس کے ساتھ تیسرے نمبر پر ہیں۔ انڈر17 میں صاحب زادہ محمد علی پہلے اور نور مصطفے دوسرے، انڈر 15 میں ریان جواد پہلے اور اشیش کمار دوسرے، انڈر 13سنگلز میں محمد یحیی احتشام پہلے، مہاتر محمد اور محمد فاروق عتیق دوسرے، انڈر 11سنگلز میں مہاتر محمد پہلے اور حسن جمال دوسرے جبکہ انڈر 9سنگلز میں محمد زین احتشام پہلے اور حسن جمال دوسری نمبر پر ہیں۔ خواتین میں اپسرا شیراز دوسرے اور وریشہ خان تیسرے نمبر پر ہیں۔
