ملتان (نمائندگان )ملتان ،گگو منڈی،لودھراں میں حادثے ،5افرادجاں بحق ہو گئے تفصیل کے مطابق ملتان تھانہ مخدوم رشیدکے علاقہ اڈا 9کسی کے قریب وہاڑی روڈ پر کار اور ٹرک کے تصادم میں ایک ہی خاندان کے 5افراد زخمی جبکہ 2افراد جاں بحق ہو گئےجاں بحق ہونے والوں میں25سالہ عبداللہ ولدمشتاق احمد اور 5سالہ ارحم ولد شاہد،جبکہ زخمی ہونے والوں میں 40سالہ سعیدہ پروین زوجہ شاہد ،6سالہ علیہ دخترشاہد ،10سالہ جواد ولد شاہد، 2سالہ حرین دختر شاہد،42سالہ عابد علی ولد عبد الحق شامل ہیں ریسکیو 1122نے زخمیوں کونشتر ہسپتال منتقل کر دیا،کار سوار ملتان سے بہاولنگر جارہے تھے، عینی شاہدین کے مطابق کار اور ٹرک ایک ہی سمت میں جا رہے تھے،ٹر ک ڈرائیور نے بغیر اشارہ دیئے اچانک بریک لگائی تو پیچھے سے آنے والی تیز رفتار کارٹرک میں جالگی، جس کے نتیجے میں کار بری طرح پچک گئی،کار کی چادر کاٹ کر زخمیوں کو نکالا گیا،مخدوم رشید پولیس نے مقدمہ درج کرلیا ہے۔علاوہ ازیں ملتان مظفر گڑھ روڈ کے قریب ڈالے کی ٹکر سے ٹھٹھہ صادق آباد کا رہائشی محکمہ زراعت کا فیلڈاسسٹنٹ افتخار احمدکمبوہ موقع پر جاں بحق ہو گیا دریں اثنا لودہراں میں ویگن کی ٹکر سے شدید زخمی ہونے والا موٹر سائیکل رکشہ ڈرائیورسید اعجاز شاہ بخاری بھی دم توڑ گیا حادثے میں مرنے والوں کی تعداد تین ہوگئی ۔گگومنڈی کے نواحی گاؤں231ای بی کے رہائشی فضل دین کی چھ سالہ بیٹی ہاشم بی بی گلی میں کھیل رہی تھی کہ ٹریکٹرکی زدمیں آ کرموقع پرہی جاں بحق ہوگئی۔
فرمان الہی
نماز کے اوقات
