فرمان الہی
نماز کے اوقات
اسلام آباد(نمائندہ جنگ / صباح نیوز) عوامی مسلم لیگ کے سربراہ شیخ رشید احمد نے کہا ہے کہ پانامہ کیس میں ایک منی ہی نہیں ،منی کا باپ اور پورا ٹبر بدنام ہوگیا ہے۔
نواز لیگ کے پاس کہنے کو کچھ نہیں، بس تاخیری حربے استعمال کئے جارہے ہیں حکمران اپنی اولا د و ںکیلئے مال جمع کرتے رہے،پاناما عملد ر آمد کیس کی سماعت سے قبل سپریم کورٹ کے باہر میڈیاسے گفتگو کرتے ہوئےشیخ رشید نے نواز لیگ کو کڑی تنقید کا نشانہ بناتے ہوئے کہا کہ اپنی انا کی خاطر ملکی اداروں کو تباہ کرنا بند کردو، تم نے صرف اپنی اولاد کیلئے مال جمع کیا ہے۔ نواز لیگ کی جانب سے بار بار والیم 10 کو منظر عام پر لانے کے مطالبے پر شیخ رشید نے کہا عدالت والیم 10 کو کھول دے، ساری چیزیں باہر نکل آئیں گی۔
ڈان لیکس یا پٹھان کوٹ میں بریگیڈیئرنعمان ٹھیک لیکن پاناما جے آئی ٹی میں ان پر اعتراض کیوں؟ میرے خیال میں کیس تیزی سے اپنے منطقی انجام کی طرف سے بڑھ رہا ہے۔ پانامہ کیس کا ایک ہفتے کے اندرفیصلہ ہوتے دیکھ رہا ہوں اہم بات یہ ہوئی ہے کہ نوازشریف کے وکیل نے تسلیم کیا ہے کہ ہاں! ان کے موکل دبئی میں 2014ء تک اقامہ پر رہے۔ یہ بھی تسلیم کیا ہے کہ وہ دبئی میں کمپنی کے چیئرمین تھے۔ ایسا لگتا ہے کہ حکومت چاہتی ہے کہ یہ کیس نیب عدالت کو بھیجا جائے۔
