فرمان الہی
نماز کے اوقات
راولپنڈی‘ اسلام آباد (نمائندگان جنگ) عوامی مسلم لیگ کے سربراہ و رکن قومی اسمبلی شیخ رشید احمد نے کہا ہے کہ عنقریب باقی چور اور ڈاکو بھی قانون کے کٹہرے میں آجائیں گے‘ اگر حدیبیہ پیپر مل کیس کھل گیا تو لوگ پاناما کیس بھول جائیں گے۔ صدر ممنون اسمبلی کا اجلاس طلب کریں، نواز شریف اکیلے نہیں پورا کنبہ ہی چور نکلا ہے‘ مجھے اسمبلی میں نہ دیکھنے کی خواہش اور خواب دیکھنے والے سابق وزیراعظم سے کہا تھا میاں صاحب میں اسمبلی ہوں گا مگر آپ کا رہنا مشکل دکھائی دے رہا ہے۔
یہ ان کا تکبر اور غرور تھا جو اللہ کے حکم سے خاک میں مل چکا ہے۔ تاریخی فیصلہ دینے پر سپریم کورٹ کو خراج تحسین پیش کرتا ہوں، وہ لال حویلی میں پریس کانفرنس سے خطاب کررہے تھے۔ انہوں نے کہا کہ ہم نے ایک ایسے شخص کو وزیراعظم ہائوس خالی کرنے پر مجبور کردیا جس کی گردن میں سریا تھا۔ سپریم کورٹ کے فیصلے سے یقیناً شہباز شریف اور حمزہ بھی دل ہی دل میں خوش ہونگے۔بعض لوگ اپوزیشن کا ٹیگ لگا کر حکومت کے ساتھ مسلسل رابطے میں رہے جن کے چہرے جلد عیاں ہو جائیں گے۔
