فرمان الہی
نماز کے اوقات
اوکاڑہ(نمائندہ جنگ)اوکاڑہ کے نواح میں 2 چور دیہاتیوں اور پولیس کے ساتھ مقابلے میں ہلاک ہو گئے۔چور دیہاتی کی دو بھینسیں چوری کر کے لے جا رہے تھے کہ دیہاتیوں نے تعاقب کر کے گھیرا ڈال لیا۔ اوکاڑہ کے نواحی قصبہ43فور ایل میں4 چور اقبال کے احاطہ مویشیاں میں آگئے۔ایس ایچ او تھانہ شاہ بھورکے مطابق چور2 بھینسیں چرا کر لے جا رہے تھے کہ پتہ چلنے پر اقبال نے شور ڈال دیاجس سے نزدیکی ڈھاریوں کے دیہاتی بھی اٹھ کر آ گئےاور چوروں کا تعاقب شروع کر دیا۔پولیس نے بھی اطلاع ملنے پر چوروں کا تعاقب کیا۔
قصبہ43فور ایل سے ایک کلو میٹر آگے چوروں نے مسروقہ بھینسیں چھوڑ دیں اور گھیرا ڈالے جانے پر دیہاتیوں اور پولیس پر فائرنگ کر دی۔پولیس نے بھی حفاظت خود اختیاری کے تحت جوابی فائرنگ کی۔اسی دوران 2 چور گولیاں لگنے سے ہلاک ہو گئے جبکہ2 فرار ہونے میں کامیاب ہو گئے۔مقتولین کی شناخت لیاقت عرف لیاقی اور اسلم عرف روسی کے نام سے ہوئی۔دونوں کا تعلق حویلی لکھا سے ہے۔ایس ایچ او تھانہ شاہ بھور کے مطابق ہلاک ہونے والے دونوں چور اصل میں خطرناک ڈاکو تھے اور متعدد سنگین وارداتوں میں ملوث تھے۔
