فرمان الہی
نماز کے اوقات
اسلام آباد سے لاہور کے سفر میں ریلی کا آج تیسرا دن ہے ،نوازشریف کا قافلہ گوجرانوالا پہنچ گیا۔
مسلم لیگ ن کی ریلی میں پارٹی کارکنوں کا جوش و خروش دیکھنے میں آیا، کارکن رقص کرتے، پارٹی نغمے گاتے اور نعرے لگاتے رہے۔
گوجرانوالہ میں بھی میاں نواز شریف کے لیے اسٹیج سجایا گیا ہے،میاں نواز شریف عوام سے خطاب کریں گے، جبکہ عوام کی بڑی تعداد موجود ہے۔
ادھر ذرائع کا کہنا ہے کہ سابق وزیراعظم نوازشریف آج رات ممکنہ طور پر گوجرانوالہ میں قیام کریںگے، اس مہمان نوازی کے لیے وفاقی وزیرخرم دستگیرکے بہنوئی کی حویلی کوخوبصورتی سے سجایا گیا ہے، کمرے میں بادام پستے، چاکلیٹ، کتابیں رکھ دی گئی ہیں جبکہ سادہ کھانے کے ساتھ ساتھ تگڑامینوبھی تیار ہے۔
سابق وزیراعظم کے گوجرانوالہ میں رکنے کے لیے خرم دستگیر کے بہنوئی کی حویلی میں تمام انتظامات مکمل کرلئے گئے ہیں۔
پہلوانوں کے شہرگوجرانوالہ میں میاں نوازشریف کے پسندیدہ کھانوں کی تیاری بھی شروع کر دی گئی ہے ۔
کھانے میں دال گوشت، آلو گوشت، پائے، مٹن قورمہ ، دیسی مرغی کا سالن اور گوجرانوالہ کے مشہور روایتی چڑے اور باربی کیو بھی شامل ہے،میٹھے میں کھیر اورکسٹرڈ بنا یا جارہا ہے۔
نوازشریف کے خصوصی کمرے میں بادام، پستے، چاکلیٹ رکھ کر کمرے کو تازہ پھولوں اور خوشبوؤں سے مہکایا جا رہا ہے،کمرے میں کتابیں بھی رکھی گئی ہیں ۔
