کوئٹہ(سٹی ڈیسک)بلوچستان سپورٹس رائٹرز ایسوسی ایشن کا اجلاس زیر صدارت محمد اجمل ہوا جس میں نسیم حمید یوسفزئی خلیل احمد عرفان رانا رشید بلوچ محمد جاوید اختر فرخ شہزادسہیل کاسی اعجاز بھٹی اور دیگر ارکان نے شرکت کی اجلاس میں ایشین سپورٹس رائٹرز ایسوسی ایشن کے جنرل سیکرٹری و ممتاز صحافی امجد عزیز ملک کے دورہ کوئٹہ کی تیاریوں کا جائزہ لیا گیا اور کہا گیا کہ تین روزہ دورے کے دوران امجد عزیز ملک کی کتب کی تقریب رونمائی منعقد ہو گی جبکہ وہ مختلف حکومتی شخصیات سے ملاقاتیں بھی کریں گے جبکہ صوبے سے تعلق رکھنے والے کھلاڑیوں کے اعزاز میں تقریب تقسیم انعامات بھی منعقد ہو گی محمد اجمل نے اجلاس سے خطاب کرتے ہوئے کہا کہ امجد عزیز ملک کا دورہ کوئٹہ صوبے میں کھیلوں کے فروغ میں معاون ثابت ہو گا کیونکہ امجد عزیز ملک کا شمار ملک کے نامور سپورٹس جرنلسٹس میں ہوتا ہے ان کے دورے کے دوران نہ صرف کھیلوں کے مسائل سے آگہی ہوگی بلکہ وہ بلوچستان کے کھلاڑیوں کو در پیش مسائل اعلی حکومتی ایوانوں میں اجاگر کریں گے ۔
فرمان الہی
نماز کے اوقات
