فرمان الہی
نماز کے اوقات
کراچی (اسٹاف رپورٹر) پاکستان ہاکی فیڈریشن کے زیر اہتمام قومی جونیئر ہاکی ٹیم کے تربیتی کیمپ میں باقاعدہ ٹریننگ کا آغاز بدھ سے جوہر ٹاؤن ہاکی اسٹیڈیم لاہور میں ہوگا ۔ کوچ محمد ثقلین نے بتایا کہ ملک کے مختلف حصوں میں ہونے والے تین روزہ ٹرائلز کے بعد58کھلاڑیوں کو شارٹ لسٹ کیا گیا ہے ۔
منگل کوکھلاڑیوں کا کیمپ میں رپورٹ کرنے کا سلسلہ جاری رہا جبکہ کیمپ میں باقاعدہ ٹریننگ کا آغاز بدھ سے ہوگا اور دو مختلف سیشنز میں ٹریننگ کروائی جائے گی ۔ ثقلین کا کہنا تھا کہ بھارت نے ہاکی لیگ اور کھلاڑیوں کو بہت زیادہ مراعات دے کر اپنی ہاکی کو بہتر کیا ہے جبکہ اس کے مقابلے میں ہمارے کھلاڑیوں کو نہ تو زیادہ سہولیات ہیں اور ملک میں انٹرنیشنل ہاکی کے نہ ہونے سے تجربہ کی بھی کمی ہے۔
