پشاور( خصوصی نامہ نگار) خیبرپختونخوا ہاکی ایسوسی ایشن کے زیراہتمام جشن آزادی ہاکی لیگ قائداعظم محمد علی جناح ٹیم نے 15پوائنٹس کے ساتھ جیت لی، لیاقت علی خان ٹیم نے 12پوائنٹس کے ساتھ دوسری جبکہ سر سید احمد خان ٹیم نے نو پوائنٹس کے ساتھ تیسری پوزیشن حاصل کی ۔ مہما ن خصوصی ڈائریکٹرجنرل سپورٹس جنید خان نے کھلاڑیوں میں انعامات تقسیم کئے ، پاکستان ہاکی فیڈریشن کے نائب صدر سابق آئی جی سعید خان ، سیکرٹری سید ظاہر شاہ، ڈسٹرکٹ پشاور ہاکی ایسوسی ایشن کے صدر ہدایت اﷲ بھی اس موقع پر موجود تھے ۔پانچ روز جاری رہنے والی لیگ میں قائداعظم محمد علی جناح ٹیم نے تین میچ جیتے۔ فاتح ٹیم کو 20 ہزار، رنرز اپ ٹیم کو 15 جبکہ تیسری اور چوتھی پوزیشن لینے والی ٹیموں کو10، 10 ہزار روپے انعام دیا گیا۔ڈی جی سپورٹس نے 40 کھلاڑیوں کیلئے ہاکی سٹکس، لالہ ایوب ہاکی سٹیڈیم میں فلڈ لائٹس اور دیگر ضروری مرمت وتزئین وآرائش کا بھی اعلان کیا اور کہا کہ ہاکی کے فروغ کے لئے نظامت کھیل صوبائی ہاکی ایسوسی ایشن کے ساتھ ہر ممکن تعاون کرے گی۔
فرمان الہی
نماز کے اوقات
