راولپنڈی (سٹاف رپورٹر)راولپنڈی کے مختلف علاقوں سے تین بچوں اورسات خواتین کواغواکرلیاگیا۔تھانہ صادق آبادکو شاہین بیگم نے بتایا کہ اس کی32سالہ بیٹی (خ) سال قرآن پاک پڑھانے والے ادارے میں کام کرتی ہے جو وہاں گئی اورواپس نہ آئی جس کا موبائل نمبر بند مل رہا ہے ۔ ہمیں قوی شبہ ہے کہ اسے تاج محمد خان نے اغواء کیا ہے ۔ تھانہ نصیرآبادکو ذکیہ بی بی نے بتایا کہ اس کی بیٹی (س) بی بی عمر22سال اور تین سالہ بچی کوبرہان الدین،تنویر اخترنے اغواء کرلیا۔ تھانہ نصیرآبادکو لقمان آفریدی نے بتایا کہ اس کی17سالہ بہن (ش) بی بی کومحمد سجاد،الطاف نے اغواء کر لیا۔تھانہ ائرپورٹ کو طارق بھٹی نے بتایا کہ اس کی بیٹی (الف) کو ہارون نامی شخص اورایک نامعلوم ملزم نے اغواء کر لیا۔تھانہ ائرپورٹ کو محمد اسد نے بتایا کہ اس کی بیٹی (ر)بعمر21سال کو سنیل اورعادل نے اغواء کر لیا۔تھانہ صدربیرونی کوارشد محمود نے بتایا کہ میر ی (ع) بی بی سے تقریباً6سا ل پہلے شادی ہو ئی تھی میرا ایک بیٹااور ایک بیٹی ہے 12اگست کو تقریباً4بجے شاممیری بیوی گھر سے بچوں سمیت غائب تھی مجھے پورا یقین ہے کہ میری بیوی اور بچوں کو کاشف سیاب اغوا کر کے لے گیا ہے۔تھانہ کلرسیداں کو عبدالقدوس نے بتایا کہ میں دبئی بسلسلہ روزگار مقیم ہوں سائل کا داماد محمد ادریس جسکے ساتھ میری بیٹی الف کی شادی ہو ئی تھی بھی میرے ساتھ دبئی میں مقیم ہے مجھے میرے بھائیوں نے اور گھر والوں نے بتایا کہ میری بیٹی کو نامعلوم افراد نے اغواء کر لیا ہے۔
فرمان الہی
نماز کے اوقات
