اسلام آباد (خبر نگار) آل پاکستان مسلم لیگ کے سیکرٹری جنرل ڈاکٹر محمد امجد نے کہا ہے کہ جنرل مشرف کی بد روح نہیں نواز شریف کی کرپشن مسلم لیگ( ن) کا پیچھا کر رہی ہے۔ نااہلی کے بعد نواز شریف کی ریلی کا مقصد اداروں کی تضحیک اور خود کو مقدمات سے بچانا تھا۔ نون لیگ ایک خاندانی جماعت کا نام ہے جس میں دراڑیں پڑ چکی ہیں۔ ن لیگی اراکین جلد دوسری جماعتوں میں نظر آئیں گے۔ عید کے بعد جنرل پرویز مشرف اتحادی جماعتوں کے ہمراہ اہم اعلان کریں گے۔۔ ان خیالات کا اظہار انہوں نےآل پاکستان مسلم لیگ کی سٹیئرنگ کمیٹی کے اجلاس کے بعد پارٹی کے مرکزی دفتر میں پریس کانفرنس سے خطاب کرتے ہوئے کیا۔ انہوں نے کہا کہ پارٹی چیئرمین سید پرویز مشرف کی مشاورت سے سٹیئرنگ کمیٹی نے احمد رضا قصوری کی پارٹی کی بنیادی رکنیت ختم کرنے کی قرارداد متفقہ طور پر منظور کر لی ہے جسے الیکشن کمیشن بھیجا جا رہا ہے۔ چیف آرگنائزر سید فقیر حسین بخاری اور چیف آرگنائزر پنجاب چوہدری اشرف نے کہا کہ احمد رضا قصوری کا اے پی ایم ایل سے کوئی تعلق نہیں ۔
فرمان الہی
نماز کے اوقات
