ملتان( سٹاف رپورٹر)سیتل ماڑی میں ڈاکہ ،نیو ملتان میں پولیس مقابلے کے بعد ڈاکو گرفتار جبکہ ایک ساتھی فرار ہو گیا تفصیل کے مطابق تھانہ سیتل ماڑی کے علاقے میں 3 ڈاکو اللہ دتہ کے گھر داخل ہوئےاسلحہ کے زور پر اہل خانہ کو یرغمال بنایا ڈاکو 12 تولے طلائی زیورات اور 96 ہزار روپے لوٹ کر فرار ہو گئے اطلاع ملنے پر پولیس نے ناکہ بندی کرا دی مگر ڈاکوؤں کا سراغ نہ مل سکا علاوہ ازیں محافظ سکواڈنیو ملتان گلشن مارکیٹ میں ڈیوٹی پر موجود تھا جس نے مشکوک موٹرسائیکل پر دو افراد سوار کو روکنے کی کوشش کی جنہوں نے فائرنگ کر دی تاہم جوابی فائرنگ پر ایک ڈاکو نے ہتھیار پھینک دئیے اور خود کو پولیس کے حوالے کر دیا جبکہ دوسرا فرار ہونے میں کامیاب ہو گیا گرفتار ہونے والے ڈاکو نام بلال بتایا جاتا ہے تاہم پولیس مزید تفتیش کر رہی ہے اہم انکشافات کی توقع ہے۔
فرمان الہی
نماز کے اوقات
