فرمان الہی
نماز کے اوقات
کراچی (اسٹاف رپورٹر) آل سندھ این بی پی جشن آزادی باکسنگ ٹورنامنٹ علی محمد قنبرانی باکسنگ اسٹیڈیم ککری گرائونڈ میں ہوا۔ فائنل میں چھ مقابلے منعقد ہوئے جس میں کراچی گرین نے 5 گولڈ ایک سلور لے کر پہلی اور میرپور خاص نے ایک گولڈ ایک سلور لے کر دوسری پوزیشن حاصل کی۔
44 کلو گرام میں نیئر کچی نے ماجد کو 2-1، 46 کلو گرام میں شہباز جان (کراچی گرین) نے حمدان (کراچی وائٹ) کو3-0، 48 کلو گرام میں ساجد رشید (کراچی گرین) نے جواد خان (کراچی میرون) کو3-0،50 کلو گرام میں عبید خان (کراچی گرین) نے عبداللہ (لاڑکانہ) کو 2-1، 52 کلو گرام میں نعمت اللہ (کراچی گرین) نے محمد الیاس (کراچی وائٹ) کو 2-1، 54 کلو گرام میں نجات (میرپور خاص) نے عتیق الرحمن (حیدرآباد) کو 3-0سے ہرایا۔ اختتامی تقریب کے مہمان خصوصی نیشنل بینک آف پاکستان کے شعبہ کھیل کے سربراہ اویس اسد خان تھے۔
