راولپنڈی(اپنے رپورٹر سے) راولپنڈی ویسٹ مینجمنٹ کمپنی اور البیراک ویسٹ کمپنی نے عید الاضحی کیلئے صفائی عملے کی چھٹیاں منسوخ کردی ہیں،2916سینٹری ورکرز عید سے ایک دن قبل سے لیکر تیسر ے دن تک 24گھنٹے مختلف شفٹوں میں کام کریں گے،شہر بھر میں 16مستقل اور23موبائل ٹرانسفر سٹیشن قائم کئے جائینگے،آلائشوں و دیگر فضلے کی ترسیل کیلئے 354 گاڑیاں استعمال کی جائینگی۔ عید سے قبل شہر بھر کی گلیوں ،بازاروں ،سڑکوں ،عید گاہوں،قربان گاہوں اور مساجد کی صفائی کردی گئی ہے،اسکے علاوہ قبرستانوں کی بھی صفائی یقینی بنائی گئی ہے،عید سے ایک دن قبل شہر کے مختلف علاقوں میں 13کیمپ قائم کئے جائینگے جو عید کے تیسرے دن تک جاری رہینگے۔آلائشوں کیلئے ویسٹ بیگز تقسیم کئے جائینگے۔شکایات کے اندراج کیلئے ہیلپ لائن نمبر 1139مکمل فعال رہیگا،شکایات کا فوری ازالہ کیا جائیگا،کنٹرول روم کے ذریعے ہیلپ لائن کی مانیٹرنگ کی جائیگی،اسکے علاوہ خصوصی نمبرز 03200506661,03200506662,03200506663,03151039921,03215027812,03151039932بھی شکایات کے اندراج کیلئے 24گھنٹے دستیاب ہونگے۔
فرمان الہی
نماز کے اوقات
