ملتان(سٹاف رپورٹر)چیف ٹریفک آفیسر ملتان محمد شریف کی محرم الحرام کی آمد کے سلسلہ میں لائسنس داران کے ساتھ میٹنگ کا انعقاد کیا گیا،جس میں ڈ ی ایس پی ہیڈ کوارٹرز عطیہ ناہید جعفری ،ڈی ایس پی سٹی محمد طارق،ٹریفک آفیسر سرکل قذافی مظفر حسین اور انسپکٹر ایڈمن محمد امجد خان نے شرکت کی ۔ اس موقع پر چیف ٹریفک آفیسر نے یقین دہانی کروائی کہ امام بارگاہوں، مجالس و جلوس پر ٹریفک ڈیوٹی زیادہ سے زیادہ لگائی جائے گی ،محرم الحرام میں ٹریفک کی روانی کو برقرار رکھنے کیلئے اقدامات کر لئے ہیں اور ٹریفک پلان تشکیل دے دیا ہے،لائسنس داران بھی اس بات کو یقینی بنائیں کہ مجالس میں آئے افراد اپنی گاڑی کو سٹی ٹریفک پولیس کی جانب سے مختص کی گئی پارکنگ میں کھڑا کریں،چیف ٹریفک آفیسر نے وارڈنز کو ہدایت جاری کی ہیں کہ غیر حاضری ہرگز برداشت نہیں کی جائیگی، محرم الحرام کے دوران سڑک پر کسی قسم کی کوئی پارکنگ نہیں کروائی جائے گی،خلاف ورزی پر کارروائی کی جائیگی ،لائسنس داران نے چیف ٹریفک آفیسر کو تعاون کی یقین دہانی کروائی۔
فرمان الہی
نماز کے اوقات
