فرمان الہی
نماز کے اوقات
وہان ( جنگ نیوز) ٹینس اسٹار کیرولین ووزنیاکی کی نظریں ٹینس کی عالمی رینکنگ میں نمبر ون کی پوزیشن پر ہیں ۔ ووزنیاکی کے مطابق امریکی ٹینس پلیئر سیرینا ولیمز بچے کی پیدائش کے بعد ایک بار پر کھیل کی طرف متوجہ ہو گئی ہیں ۔کیرولین ووزنیاکی جو ان دنوں چین میں ہونے والے وہان اوپن میں شرکت کی غرض سے موجود ہیں۔ ان کا کہنا تھا کہ سیرینا نے انہیں اپنی صاحبزادی کی تصاویر بھیجی ہیں ۔ووزنیاکی کا میڈیا سے گفتگو کرتے ہوئے کہنا تھا کہ ان کی بیٹی بہت کیوٹ ہے اور وہ اس سے ملنے کیلئے بہت بیتاب ہیں ۔
اس سوال کے جواب میں کہ کیا سیرینا ولیمز اب بھی ٹینس پر نظر رکھے ہوئے ہیں ۔ ووزنیاکی کاکہنا تھا کہ میرے خیال میں سیرینا نے بچے کیساتھ ٹینس پر بھی توجہ مرکوز کر دی ہے ۔انہوںنے کہا کہ میرے خیال میں سیرینا بہت شاندار طریقے سے ٹینس کے میدانوں میں واپسی کر ینگی ۔مگر اس کے ساتھ وہ ان دنوں ماں بننے کو بھی انجوائے کررہی ہیں ۔35 سالہ سیرینا ولیمز نے بیٹی کی پیدائش کے بعد کہا تھا کہ وہ جنوری میں ہونیوالے آسٹریلین اوپن سے ٹینس کورٹ میں واپسی کرینگی ۔
