فرمان الہی
نماز کے اوقات
رپورٹ:راشدسعید
کوئٹہ سے تعلق رکھنےوالے مایہ ناز باکسرمحمدوسیم نےاپنے پروفیشنل کیریئر میں انٹرنیشنل رینکنگ فائٹ جیت کر ایک اورکامیابی اپنے نام کرلی اور پہلےہی راؤنڈمیں پاناما کے باکسر کارلوس میلو کو ناک آؤٹ کردیا۔
تیس سالہ باکسر محمدوسیم کی انٹرنیشنل پروفیشنل کیریئر میں کامیابیوں کا سلسلہ جاری ہے،آج محمدوسیم نے اپنے کیریئر کی آٹھویں فائٹ پاناماشہر میں کھیلی۔
ورلڈباکسنگ کونسل کے تحت ہونے والی اس انٹرنیشنل رینکنگ فائٹ میں محمدوسیم کے مدمقابل تھے،پاناما کےباکسرکارلوس میلوکی یہ چوالیسویں فائٹ تھی۔
آٹھ راؤنڈز پرمشتمل فائٹ کےپہلےراؤنڈ میں ہی محمدوسیم اپنے مخالف باکسر کےمقابلےمیں انتہائی پراعتماد اورپرجوش نظرآئے اورمحمد وسیم نےپہلےہی راؤنڈمیں کارلوس میلو کو ناک آؤٹ کردیا۔
اس طرح نہ صرف انہوں نے رینکنگ فائٹ جیت لی بلکہ فلائی ویٹ کیٹیگری کی عالمی رینکنگ میں نمبرون ہونےکااعزاز بھی برقراررکھا۔
باکسر محمد وسیم اب تک اپنی ان تمام فائٹس میں ناقابل شکست رہےہیں۔
