بیجنگ (نیوز ایجنسیز) رواں برس ٹینس کے عظیم ترین کھلاڑیوں راجر فیڈرر اور رافیل نڈال کیلئے شاندار رہا ہے۔ دونوں نے ماضی کو پلٹ کر رکھ دیا اور مسلسل شاندار کارکردگی کا مظاہرہ کرکے مبصرین کو یہ کہنے پر مجبور کردیا کہ بڑھتی عمر اور فٹنس مسائل نے ان پر زیادہ اثر نہیں ڈالا ہے۔ اتوار کو نڈال نے چائنا اوپن ٹائٹل بھی اپنے نام کیا۔ اس حوالے سے ہسپانوی ٹینس اسٹار رافیل نڈال نے کہا ہے کہ وہ اپنی اس کامیابی پر بہت خوش ہوں۔ انہوں نے کہا کہ وہ مستقبل میں بھی اپنی عمدہ کارکردگی کے تسلسل کو جاری رکھتے ہوئے مزید کامیابیاں حاصل کرینگے۔ رافیل نڈال نے کہا کہ آسٹریلوی کھلاڑی کے خلاف مقابلہ کے دوران تمام تر توجہ کھیل پر مرکوز تھی اور درست شارٹس کا استعمال ٹھیک وقت پر کرتے ہوئے کامیابی حاصل کی۔ یہ رافیل نڈال کی رواں سال میں چھٹی کامیابی ہے جو انہوں نے اپنے نام کی۔ چائنا اوپن کے فائنل میں انہوں نے نک کرگیوس کو شکست دی، یہ ان کے کیریئر کا 75 واں ٹائٹل ہے۔ اس سے قبل انہوں نے 2005 میں یہ ٹورنامنٹ جیتا تھا۔
فرمان الہی
نماز کے اوقات
